Қауіп тобына кімдер кіреді?

Пиелонефритпен көбінесе жас және орта жастағы қыздар мен әйелдер жиі ауырады. Әйелдер несеп шығару жүйесінің анатомиялық ерекшеліктеріне байланысты бұл ауруға ерлерге қарағанда 6 есе жиі ұшырайды. Негізгі қауіп факторларына келесі аталғандар жатады:

Әйелдерде:

• Қысқа несеп жолы, несеп жолының қынап пен тік шекке жақын орналасуы қауіпті арттырады.
• Жыныстық белсенділіктің басталуы, жүктілік және босану пиелонефриттің дамуына ықпал етуі мүмкін.
• Цистит және несептас ауруы болуы қауіпті арттырады.

Ерлерде:

• Ерлер арасында қауіп факторларына несептас ауруы, простатит және қуық асты безінің гиперплазиясы жатады.
• Несептас ауруы, ерлерде қуық асты безінің ұлғаюы, несептің кідіруі.

Жалпы қауіп факторлары:

• Иммундық жүйенің әлсіреуі - қант диабеті және АИТВ инфекциясы науқастың иммундық статусын төмендетеді. Ағзаның мүшелерді трансплантациялаудан кейін қабылдамауды болдырмау үшін тағайындалатын препараттар (иммуносупрессивті препараттар) ұқсас әсерге ие.
• Уақытша несеп шығару катетерін немесе стенті енгізу - бұл инфекцияның таралуына ықпал етуі мүмкін.
• Қуық-несепағар рефлюксі - несеп қуықтан бүйрекке кері ағып кететін жағдай, әсіресе катетер немесе стент орнатылған кезде.

Осы қауіп факторларын түсіну және ескеру пиелонефритің дер кезінде диагностикасы мен алдын алуға көмектеседі, бұл бүйрек денсаулығын сақтау жолындағы маңызды қадам болып табылады.

Пиелонефриттің белгілері

Ерлер мен әйелдердегі пиелонефрит келесі белгілермен көрінеді:

Ерлерде:*
*- зақымдалған жағында бел аймағындағы ауырсыну;

• дене қызуының жоғарылауы;
• әлсіздік, тәбеттің төмендеуі.

Әйелдерде:

• қызба;
• жалпы әлсіздік, жүрек айнуы, құсу (әйелдерде интоксикация белгілері ерлерге қарағанда айқынырақ);
• зақымдалған жағында арқадағы ауырсыну;
• несеп шығару кезінде ауырсыну;
• несеп түсінің өзгеруі (қанның, іріңнің араласуы).

Балалардағы белгілер:

• Дене қызуының 38°C және одан жоғары көтерілуі. Бұл көбінесе жалғыз симптом.
• Интоксикация белгілері: терінің бозаруы, көздің астындағы шеңберлер, сылбырлық, әлсіздік, ұйқышылдық, тәбеттің нашарлауы, жүрек айну немесе құсу.
• Іштегі немесе бел аймағындағы ауырсыну.
• Несеп шығару бұзылыстарының болуы мүмкін (жиілеуі немесе кідіруіі, ауырсыну, несептің тоқтамай ағуы).
• Несептің бұлыңғырлығы.
• Беттің таңертеңі уақытта жеңіл ісінуі.

Емдеу және алдын алу

Пиелонефрит міндетті емдеуді және дәрігермен кеңесуді қажет етеді. Ауыр жағдайларда ауруханаға жатқызу қажет болуы мүмкін. Дәрігер тағайындаған емдеу курсын қатаң сақтау өте маңызды, өз бетімен емделуге болмайды.

Балалардағы пиелонефритті емдеу:

• Емдеу тек аурухана жағдайында жүргізіледі.
• Емдеудің кешенді тәсілі: антибиотиктер, уросептиктер, симптоматикалық емдеу, диета, ішу режимі.
• Емдеу кем дегенде 4 аптаға созылады.

Уақытылы емделмеу асқынулардың дамуына әкелуі мүмкін. Егер сіз балада дене қызуының, әсіресе көп ұзамай ЖРВИ-ден кейін түсініксіз жоғарылауын байқасаңыз, міндетті түрде педиатрға хабарласыңыз!

Пиелонефриттің алдын алу келесі шарттарды қамтиды

• Жеке гигиенаны сақтау.
• Суық тиюді болдырмау.
• Қуықты жүйелі түрде босату.
• Сұйықтықты жеткілікті мөлшерде ішу.
• Тұрақты медициналық тексерулер мен кеңестер.

Белгілерді уақтылы тану және дәрігермен кеңесу өмір сапасын айтарлықтай жақсартады және асқынулардың дамуына жол бермейді.