Канефрон^® несеп шығару жолдарының қабыну ауруларын емдеу үшін қолданылады¹. Мұндай қабыну ауруларына цистит, уретрит, пиелонефрит және т.б. аурулар жатады.

Канефрон^® несептас ауруын емдеу үшін қолданылуы мүмкін. Препарат несеп тастарының пайда болуына жол бермейді, сонымен қатар оларды алып тастағаннан кейін де кешенді терапияда қолданылады.

Канефрон^® жеңіл несеп айдайтын әсерге ие, спазмды басады, қабынуға және микробқа қарсы дәрі ретінде әрекет етеді². Антибиотиктермен бірге қолданғанда олардың тиімділігі артады. Канефрон^® препаратын курспен қолдану циститтің қайталанатын өршу жиілігін төмендетеді³ және несептас ауруының кері қайталану қаупін азайтады⁴.

Канефронды^® тамақтанар алдында немесе тамақтан кейін қабылдау мәселесі маңызды емес – препарат тамақтану уақытына қарамастан қолданылады. Бұл ересектерге де, балаларға да қатысты¹.

Тамшыларды шайқап және аз мөлшерде суда сұйылтып немесе жай ғана сумен ішу қажет. Таблеткаларды тұтастай сумен қабылданады¹.

Таблетка түріндегі Канефрон^® алкогольді қабылдаумен үйлесімді.
Тамшы түріндегі Канефронның^® құрамында көлемі бойынша 19% алкоголь бар екенін ескеру қажет. Ішке қабылдауға арналған тамшыларды алкоголизммен ауыратын науқастарға, сондай-ақ алкогольге қарсы сәтті емдеуден кейін қолдануға болмайды¹.

Канефрон^® өздерінің оң әсерін көрсету үшін ағзада жинақталуы қажет өсімдік компоненттерінің негізінде жасалған. Сондықтан химиялық құрамы бар препараттар сияқты дереу әсер етуін күтпеген жөн. Орташа алғанда, жағдайдың жақсаруы алғашқы 2-3 күнде байқалады³. Канефрон^® кумулятивті (шоғырланулық) әсерге ие, соның арқасында оның әсері ұзақ уақытқа созылады.

Сонымен қатар, препараттың қолдануға болмайтын жағдайлары аз болғандықтан ұзақ мерзімді қолдану мүмкіндігі бар¹. Препарат сондай-ақ несеп шығару жолдарының инфекцияларының алдын алу үшін қолданылады және қайталанатын өршу санын азайтуға көмектеседі³.

Канефрон^® жұмсақ несеп айдайтын әсерге ие, яғни несептің ағуын күшейтеді және спазмды жеңілдетеді, осылайша ұсақ тастар мен олардың сынықтарының тар несепағарлар арқылы өтуін жеңілдетеді. Бұл әсіресе тасты ұсақтау (литотрипсия) процедурасынан өткен науқастар үшін өте маңызды⁴.

Бүйрек тастарын емдеу және алдын-алу барысында әйелдер мен еркектерге тастардың мөлшері ұлғайып кетпей, құм сатысында шығып кетуі үшін мүмкіндігінше несепті жиі шығару ұсынылады. Несепті шығару процесі бүйректен басталатындықтан, Канефрон^® олардан құмды кетіруге көмектеседі және жаңа тастардың пайда болуына жол бермейді.

Сонымен қатар, зерттеулер препараттың несепті сілтілейтінін және несеп қышқылы кристалдарының — тас түзуге арналған субстраттардың пайда болу қаупін төмендететінін көрсетті. Осылайша, препарат тастың қайта пайда болуының алдын алуға көмектеседі⁴.

Иә, көмектеседі. Канефрон^® несеп айдағыш және спазмолитик ретінде жұмыс істейді, яғни несепті шығаруды күшейтеді және жеңілдетеді, ал бүйректен құм несеппен бірге шығарылады. Несеп неғұрлым көп бөлінсе, соғұрлым құм көбірек шығады. Неғұрлым айқын әсерге қол жеткізу үшін препаратпен емдеу курсынан өту кезінде мүмкіндігінше көп мөлшерде сұйықтық ішу ұсынылады⁴.

Канефрон^® препараты басқалармен қатар, циститтің, сондай-ақ несеп шығару жолдарының басқа инфекцияларының алдын алу үшін қабылданады. Урологияда ұзақ уақыт бойы табысты қолданылып келе жатқан дәрілік өсімдіктер кешені (сүйментамыр, толғақшөп, гүлшетен) бар препарат патогендік бактериялардың көбеюіне жол бермейді және қуық пен несеп жолының қалыпты микрофлорасын сақтауға көмектеседі³.

Профилактикалық курстың ұзақтығын дәрігер анықтап айтады және де ол 2-ден 4 аптаға дейігі уақытты алуы мүмкін. Сондай-ақ дәрігер сізге курсты қай кезеңнен кейін қайталау керектігін айтады¹.

Канефрон^® несеп айдайтын (диуретикалық) препарат емес. Алайда, препараттың құрамына кіретін толғақшөп, сүйментамыр және гүлшетеннің эфирлік майларының арқасында препарат жұмсақ несеп айдайтын (диуретикалық) әсерге ие².